Maraming paraan upang tayo ay makapag-ehersisyo. At sa kadahilanang ito nga ay nakabubuti sa ating katawan, ginaganap taon-taon ang Larong Pampalakasan o tinatawag ding Intramurals sa Letran-Calamba upang hindi lamang isipan ang nabubusog sa kaalaman ng mga estudyante dito kundi sila rin ay magkaroon ng lakas ng pangangatawan para sa pagharap ng mga hamon sa buhay.
Ang pagdiriwang na ito ay tatagal ng apat na araw simula Enero 19-22, 2010. Iba’t-ibang programa ang inihanda para sa okasyong ito ngunit ang pinaka mahalagang parte nito ay ang iba’t-ibang larong pampalakasan na pagtatagisan ng iba’t ibang departamento sa Letran katulad ng Nursing, Engineering, SBMA, Arts & Sciences at ng ICST.
Ang ilan sa mga Larong kabilang ay ang basketbol, futbol, swimming, chess, scrabble, volleybol, tennis, badminton at marami pang iba. Tiyak na magiging masaya ang pagdiriwang na ito at siguradong hindi magpapahuli ang bawat departamento upang tanghaling Pangkalahatang Kampeon ngayong taon.